AnandToday

આણંદમાં આજે મિતેષભાઈ પટેલ પ્રચંડ શક્તિ પ્રદર્શન સાથે વિજય મુહૂર્તમાં નામાંકનપત્ર ભરશે

રાજ્યના મુખ્યમંત્રી સહિત દિગ્ગજ-પ્રદેશ નેતાઓમાં હાજર રહેશે

આણંદમાં ભવ્ય બાઈક રેલી સાથે જાહેર સભાનું આયોજન

આણંદ અંબાજી મંદિર પાસેથી બાઈક રેલીનો પ્રારંભ કરાશે.

ફોર્મ ભરાયા પછી ચૂંટણીનો માહોલ બરાબર જામશે

આણંદ ટુડે | આણંદ
આણંદ લોકસભા બેઠકના ભાજપના ઉમેદવાર મિતેશભાઇ પટેલ 16 મી એપ્રિલ મંગળવારના રોજ  પ્રચંડ શક્તિ પ્રદર્શન સાથે વિજય મુહૂર્તમાં નામાંકનપત્ર ભરશે.
ફોર્મ ભરતી વખતે મિતેશભાઇ પટેલ સાથે દિગ્ગજ-પ્રદેશ નેતાઓમાં રાજ્યના મુખ્યમંત્રી ભુપેન્દ્રભાઈ પટેલ, કલસ્ટર પ્રભારી નરહરિભાઈ અમીન, નાયબ મુખ્ય દંડક રમણભાઈ સોલંકી, લોકસભા પ્રભારી શબ્દશરણ બ્રહ્મભટ્ટ, સહિત આણંદ જિલ્લાના ભાજપના ધારાસભ્ય અને મોટી સંખ્યામાં સમર્થકો અને કાર્યકતાઓ ઉપસ્થિત રહેશે . 
આણંદ લોકસભા બેઠકના ભાજપના ઉમેદવાર મિતેશભાઇ પટેલનો આણંદમાં ભવ્ય રોડ શો અર્થાત બાઈક રેલી અને જાહેર સભાનું આયોજન કરાયું છે .બાઈક રેલીનો પ્રારંભ સવારે 9:00 કલાકે આણંદ અંબાજી મંદિર  ગોયા તળાવ પાસે થી કરાશે .આ રેલી વેરાઈ માતા મંદિર, બેઠક , મહાત્મા ગાંધી સ્ટેચ્યુ (ગોદી ), અમૂલ ડેરી રોડ થઈ ગણેશ ચોકડી ખાતે પહોંચશે જ્યાં રેલીનું સમાપન કરાશે .જોકે, ફોર્મ ભરાયા પછી ચૂંટણીનો માહોલ બરાબર જામશે